Logo

ACల గురించి మీకు ఈ విషయాలు తెలుసా..? అందరికీ ఉపయోగకరమైన అంశాలు | Air Conditioner Tips

Air Conditioners : ప్రస్తుతం ఎయిర్ కండీషనర్లను చాలా మంది వినియోగిస్తున్నారు. అయితే ఏసీలు వాడే వారు కొన్ని విషయాలను తప్పకుండా తెలుసుకోవాలి.

వేసవి కాలంలో ఎక్కువ మంది ఎయిర్ కండీషనర్లు ( Air Conditioners ) ఉపయోగిస్తుంటారు. వేడి నుంచి ఉపశమనం పొందేందుకు ఏసీలను (ACs) వాడుతుంటారు. అయితే ఏసీలకు సంబంధించిన కొన్ని విషయాలు చాలా మందికి తెలియవు. తొందరగా కూల్ అయ్యే టిప్స్, సర్వీసింగ్‌కు సంబంధించిన కొన్ని కీలక విషయాలు ఉంటాయి. నిత్యం ఏసీలు వాడుతున్న వారు కొన్ని అంశాలను తెప్పక తెలుసుకోవాలి. ఏసీలు ఎక్కువ కాలం బాగా పని చేసేలా, విద్యుత్ ఆదా అయ్యే కొన్ని టిప్స్ (AC Tips) దృష్టిలో ఉంచుకోవాలి. ఏసీల గురించి చాలా మందికి తెలియని, ఎంతో ఉపయోగపడే విషయాలు ఇవే.

రూమ్ త్వరగా కూల్ అయ్యేందుకు..


ఏసీ ఆన్ చేసిన తర్వాత సీలింగ్ ఫ్యాన్‌ను లో (Low) లేదా ఓ మోస్తరు స్పీడ్‌లో ఉంచితే రూమ్ త్వరగా కూల్ అవుతుంది. ఏసీ టెంపరేచర్‌ను సెట్ చేశాక, కూల్ ఎయిర్ త్వరగా రూమ్ అంతా వ్యాపించేందుకు ఫ్యాన్ ఆన్ చేయాలి. అయితే ఫ్యాన్‌ను ఫుల్ స్పీడ్‌లో మాత్రం ఉంచకూడదు. అలా అయితే కూలింగ్‌కు ఆలస్యమవుతుందని దృష్టిలో ఉంచుకోవాలి.

మరీ తక్కువ టెంపరేటర్ సెట్ చేసినా..


టెంపరేచర్ సెట్టింగ్‌ను చాలా తక్కువగా ఉంచితే ఏసీ అత్యుత్తమైన కూలింగ్‌ను ఇస్తుందని చాలా మంది నమ్ముతారు. అయితే అది పూర్తిగా వాస్తవం కాదు. బ్యూరో ఆఫ్ ఎనర్జీ ఎఫిషియన్సీ (BEE) ప్రకారం, 24 డిగ్రీలు మనిషి శరీరానికి సరిపోతుంది. తక్కువ టెంపరేచర్‌ సెట్టింగ్‌తో పోలిస్తే ఈ టార్గెట్‌కు వచ్చేందుకు ఏసీపై తక్కువ లోడ్ పడుతుంది. అందుకే 24 డిగ్రీల టెంపరేచర్ చాలా సందర్భాల్లో బెస్ట్‌గా ఉంటుంది.

ఫిల్టర్లులు క్లీన్‌గా లేకుంటే కష్టమే..

ఏసీ ఫిల్టర్లు దుమ్ము పట్టి మురికిగా ఉంటే గాలిని తీసుకునేందుకు చాలా ఇబ్బంది అవుతుంది. ఇందువల్ల ఏసీ ఎక్కువ విద్యుత్‌ను వాడుకుంటుంది. అందుకే ఏసీ ఫిల్టర్లు ఎప్పుడూ శుభ్రంగా ఉండేలా జాగ్రత్త తీసుకోవాలి. అలాగే ఏసీ ఫిల్టర్లు క్లీన్‌గా లేకుంటే కూలింగ్‌ కూడా సరిగా ఉండదు.

ఎంత మంది ఉన్నారనేది కూడా ముఖ్యమే

రూమ్ సైజ్, ఏసీ టన్ కెపాసిటీతో పాటు రూమ్ కూలింగ్‌కు మరో విషయం కూడా ప్రధానంగా ఉంటుంది. గదిలో ఎంత మంది ఉన్నారన్న అంశం కూడా కూలింగ్‌కు ముఖ్యం. ఒకవేళ గదిలో ఎక్కువ మంది ఉంటే కూలింగ్‌పై ప్రభావం పడుతుంది. అందుకే గది చిన్నగా ఉన్న ఎక్కువ మంది ఉండేటట్టయితే ఎక్కువ సామర్థ్యం ఉన్న, లేకపోతే ఎక్కువ ఏసీలు సెట్ చేసుకోవాలి. ఎప్పుడూ ఎక్కువ మంది ఉంటారు కాబట్టే రెస్టారెంట్లలో ఎక్కువ ఏసీలను ఉంచుతారు.

దీన్ని నమ్మకండి


ఈ ఏసీకి సంవత్సరాల పాటు సర్వీస్ అవసరం లేదని కొన్ని కంపెనీలు చెబుతుంటాయి. కానీ దాన్ని పూర్తిగా నమ్మకూడదు. ఏసీలకు రెగ్యులర్‌గా సర్వీస్ చేయించాలి. ఎక్కువ మంది ఏసీలను సంవత్సరం మొత్తం వినియోగించరు. అప్పుడు దుమ్ము పట్టి, మురికిగా అవుతాయి. అందుకే సర్వీస్ తప్పకండా చేయించాలి. దీని ద్వారా ఏసీలు సమర్థవంతంగా పని చేస్తూ.. తక్కువ విద్యుత్‌ను వాడుకుంటాయి.

రిమోట్‌లో మాత్రమే ఆఫ్ చేస్తే సరిపోదు


రిమోట్‌లో బటన్ నొక్కగానే ఏసీ నుంచి కూలింగ్ రావాలని చాలా మంది అనుకుంటారు. అందుకే ఆఫ్ చేయాలనుకున్నప్పుడు రిమోట్‌లోనే చేసేస్తారు. స్విచ్‌లు బంద్ చేయరు. కేవలం రిమోట్‌లోనే ఆఫ్ చేయడం వల్ల ఏసీ కాస్త విద్యుత్‌ను వాడుకుటుందని గుర్తుంచుకోవాలి. అందుకే ఎక్కువ సేపు ఏసీని ఆఫ్ చేయాలంటే మాత్రం.. స్విచ్ ఆఫ్ చేయడమే మంచిది.

స్టెబిలైజర్ నిజంగా అవసరం లేదా..

స్టెబిలైజర్ ఫ్రీ అంటూ చాలా ఏసీలు వస్తున్నాయి. దీని అర్థం ఈ ఏసీల్లో స్టెబిలైజర్ ఉంటుందని కాదు. ఈ ఫీచర్ ఉంటే స్టెబిలైజర్ అసలు అవసరం లేదని కాదు. ఒకవేళ మీ ప్రాంతంలో అపరేటింగ్ లెవెల్‌కు మించి తరచూ వోల్జేజ్‌లో అస్థిరత ఉంటే స్టెబిలైజర్ తప్పకుండా వినియోగించాలి.

About the Author

Leave a Reply

*