Logo

Anchor Sravanthi: నేను అడిగింది తీరుస్తావా? చిన్నది కాదు పెద్దదే.. యాంకర్ స్రవంతితో వర్మ బూతు ఇంటర్వ్యూ

RGV And Anchor Sravathi: అందరు సెలబ్రిటీలను ఇంటర్వ్యూ చేయడం ఓ లెక్క.. వర్మని ఇంటర్వ్యూ చేయడం మరోలెక్క. ఎవరైనా మగ యాంకర్లు ఇంటర్వ్యూ చేస్తే పొడిపొడిగా మాట్లాడే వర్మ.. ఎదురుగా ఆడ యాంకర్ ఉందంటే మనోడిలో రసికరాజు రంకెలేస్తాడు. నోటికి ఏమొస్తుందో.. ఏం మాట్లాడుతున్నామో మర్చిపోతాడు. తన డబుల్ మీనింగ్ డైలాగ్‌లతో దెబ్బకి ఆ యాంకర్‌ని పాపులర్ చేసి పారేస్తాడు. అందుకే వర్మతో ఇంటర్వ్యూ అంటే యాంకర్లు తెగ ఎగబడుతుంటారు. ఎంతమంది సెలబ్రిటీలతో ఇంటర్వ్యూలు చేసినా.. లభించని పాపులారిటీ ఒక్క వర్మని ఇంటర్వ్యూతో సంపాదిస్తారు.

యాంకర్లను పాపులర్ చేయడంలో వర్మ (Ram Gopal Varma) దగ్గర చాలా ట్రిక్స్ ఉంటాయి. తనని ఇంటర్వ్యూలు చేసే యాంకర్లతో బోల్డ్‌గా డబుల్ మీనింగ్ డైలాగ్‌లు మాట్లాడి వాళ్లని పాపులర్ చేస్తుంటాడు వర్మ. ఆ పాపులారిటీతో అరియానా గ్లోరీకి బిగ్ బాస్ ఛాన్స్ వచ్చిందంటే.. వర్మ వల్గారిటీ ఆన్సర్‌లు ఏ రేంజ్‌లో ఉంటాయో అర్ధం చేసుకోవచ్చు.

వర్మ అనే కాదు.. వర్మని కెలికి పాపులర్ కావాలని కూడా చాలామంది యాంకర్‌లు తహతహ లాడుతుంటారు. అతన్ని కెలికితే ఏమౌతుందో తెలిసి కూడా చేపకి ఈత నేర్పినట్టుగా విన్యాసాలు ప్రదర్శిస్తుంటారు. తాజాగా రామ్ గోపాల్ వర్మకి బిగ్ బాస్ నాన్ స్టాప్ కంటెస్టెంట్ స్రవంతికి మధ్య బోల్డ్ డిస్కషన్ నడిచింది. వర్మ డబుల్ మీనింగ్ డైలాగ్‌లతో రెచ్చిపోతే.. స్రవంతి కూడా తగ్గేదేలే అన్నట్టుగా వర్మని రెచ్చగొట్టింది.

రామ్ గోపాల్ వర్మ కళాఖండం కొండ మూవీ ప్రమోషన్స్‌లో భాగంగా.. వర్మని రన్నింగ్ బస్‌లో ఫేస్ టు ఫేస్ ఇంటర్వ్యూ చేసింది యాంకర్ స్రవంతి చొక్కారపు(Sravanthi Chokkarapu). ఈ మధ్య బూతు సినిమాలకు కేరాఫ్ అడ్రస్‌గా మారిన వర్మ దగ్గరకు వెళ్లి.. ‘ఎలా ఉన్నారు’? అని తనకి ఇష్టం లేని ప్రశ్న వేసింది స్రవంతి. దీంతో అది వర్మకి బూతులా అనిపించి.. ‘నేను అస్సలు బాలేదు.. నాకు చాలా అవసరాలు ఉన్నాయి.. అవి మీరు తీరుస్తారా? తీర్చలేనప్పుడు ఎలా ఉన్నారని ఎలా అడుగుతారు’? అంటూ డబుల్ మీనింగ్ డైలాగ్‌లు వేశాడు వర్మ.

అయితే వర్మ డబుల్ మీనింగ్‌ని బాగానే అర్ధం చేసుకున్న స్రవంతి.. డైరెక్ట్ మీనింగ్‌లోకి వెళ్లిపోయింది. ‘సార్ బస్‌లో తీర్చేది.. నా వల్ల అయ్యేది.. ఏమైనా చిన్నది ఉంటే తీరుస్తా’ అని అన్నది. ఆ మాటతో వర్మ.. మీ వల్ల అయ్యేది చిన్నది అంటే ఎలా.. మీ వల్ల అయ్యేది పెద్దదే ఉంటుంది.. అంటూ తన నోటి దూల చూపించాడు.

అయితే స్రవంతి మాత్రం.. సార్ అంటూ తెగ సిగ్గుపడిపోయింది. పక్కన నున్న ‘కొండా’ హీరో గారు అదిత్ అరుణ్ (Adith Arun).. ఈ డబుల్ మీనింగ్ డిస్కషన్ విని తెగ నవ్వేసుకోవడంతో.. ‘ఎందుకు నవ్వుతున్నావ్.. మాలో ఏమైనా వేరే అర్ధాలు వినిపిస్తున్నాయా? అంటూ వర్మ మళ్లీ కెలికాడు. చూసేవాళ్లకి అర్ధం అయ్యి ఉంటుందిలే సార్.. నాకు అర్ధం కాలేదు అని ఆ హీరో అనడంతో.. నీకేమైనా అర్థమైందా? అని తిరిగి స్రవంతిని అడిగాడు వర్మ.

ఆ మాటతో స్రవంతి.. చిన్న పిల్లని సార్.. నాకేం తెలియదు అని తెగ నవ్వేసింది. ఇక హీరో కూడా నవ్వడం చూసి.. ‘నన్ను చూసి మీకు నవ్వు వస్తుందా? అని స్రవంతి అడగడంతో.. ‘లేదు నువ్ చాలా బ్యూటిఫుల్‌గా ఉన్నావ్.. అని వర్మ అలవాటైన పద్దతిలో యాంకర్ స్రవంతిని ఫ్లర్టింగ్ చేయడం మొదలుపెట్టాడు. ప్రస్తుతం ఈ వీడియో నెట్టింట వైరల్ అవుతోంది. వర్మ ఫ్లర్ట్ చేసిన యాంకర్లలో అరియానా గ్లోరి, చందన, శ్యామల, అనసూయ, స్రవంతి, ఉష ఇలా పెద్ద లిస్టే ఉంది.

About the Author

Leave a Reply

*