Logo

Poco F4 5G : అదిరిపోయే స్పెసిఫికేషన్లతో పోకో ఎఫ్4 5జీ వచ్చేసింది –

Poco F4 5G launched : పోకో ఎఫ్4 5జీ భారత్‌లో అడుగుపెట్టింది. అన్ని విభాగాల్లో మంచి స్పెసిఫికేషన్లతో ఉన్న ఈ మొబైల్‌ను గురువారం పోకో (Poco) విడుదల చేసింది. ముఖ్యంగా 120Hz రిఫ్రెష్ రేట్, హెచ్‌డీఆర్10+ సపోర్ట్, డాల్బీ విజన్ సపోర్ట్ ఉన్న 6.67 ఇంచుల ఫుల్ హెచ్‌డీ+ E4 AMOLED డిస్‌ప్లే పోకో ఎఫ్4 5జీ (Poco F4 5G) కి హైలైట్‌గా ఉంది. స్నాప్‌డ్రాగన్ 870 ప్రాసెసర్‌ ఈ మొబైల్‌లో ఉండడంతో రూ.30వేలలోపు ఆల్‌రౌండర్‌గా కనిపిస్తోంది. బ్యాంక్ కార్డు ఆఫర్‌ను వినియోగించుకుంటే తొలి సేల్‌లో రూ.23,999కే ఈ ఫోన్‌ను దక్కించుకోవచ్చు. రెండు సంవత్సరాల వారెంటీ కూడా దీనికి ప్రత్యేకంగా ఉంది. Poco F4 5G ధర, సేల్‌, పూర్తి స్పెసిఫికేషన్ల వివరాలు చూడండి.

Poco F4 5G ధర, సేల్‌, ఆఫర్‌
పోకో ఎఫ్4 5జీ సేల్ ఈ నెల 27వ తేదీ మధ్యాహ్నం 12 గంటలకు మొదలవుతుంది. ఈ-కామర్స్ సైట్ ఫ్లిప్‌కార్ట్‌ (Flipkart) లో సేల్‌కు వస్తుంది. నెబ్యూలా గ్రీన్, నైట్ బ్లాక్ కలర్ ఆప్షన్‌లలో లభ్యమవుతుంది.

  • Poco F4 5G – 6జీబీ ర్యామ్ + 128జీబీ స్టోరేజ్ ధర – రూ.27,999
  • 8జీబీ ర్యామ్ + 128జీబీ స్టోరేజ్ ధర – రూ.29,999
  • 12జీబీ ర్యామ్ + 256జీబీ స్టోరేజ్ ధర – రూ.33,999

లాంచ్ ఆఫర్‌ కింద రూ.1,000 తగ్గింపు ధరతో పోకో ఎఫ్4 5జీ సేల్‌కు వస్తుంది. అలాగే ఎస్‌బీఐ కార్డుతో కొంటే రూ.3,000 అదనపు డిస్కౌంట్ లభిస్తుంది. ఈ ఆఫర్‌ను వినియోగించుకుంటే బేస్ మోడల్‌ను రూ.23,999కే సొంతం చేసుకునే అవకాశం ఉంది.
సాధారణంగా అన్ని మొబైల్స్‌కు సంవత్సరం వారెంటీ వస్తుండగా.. పోకో ఎఫ్4 5జీకి రెండు సంవత్సరాలు ఇస్తోంది పోకో.

Poco F4 5G డిస్‌ప్లే : 6.67 ఇంచుల Full HD+ E4 AMOLED డిస్‌ప్లేను పోకో ఎఫ్4 5జీ కలిగి ఉంది. 120Hz రిఫ్రెష్ రేట్, 360Hz టచ్ సాంప్లింగ్ రేట్ ఉంటుంది. HDR10+, డాల్బీ విజన్ సపోర్ట్ ఉన్నాయి. డిస్‌ప్లేకు కార్నింగ్ గొరిల్లా గ్లాస్ 5 ప్రొటెక్షన్‌ను పోకో ఇచ్చింది.
Poco F4 5G ప్రాసెసర్‌ : స్నాప్‌డ్రాగన్ 870 ప్రాసెసర్‌ ఈ మొబైల్‌లో ఉంటుంది. ఆండ్రాయిడ్‌ 12 (Android 12)తో కూడిన ఎంఐయూఐ 13 ఓఎస్‌పై రన్ అవుతుంది. గరిష్ఠంగా 12జీబీ ర్యామ్, 256జీబీ స్టోరేజ్‌తో వస్తోంది.

Poco F4 5G కెమెరాలు : ఈ ఫోన్‌ వెనుక మూడు కెమెరాలు ఉన్నాయి. ఆప్టికల్ ఇమేజ్ స్టెబిలైజేషన్ (OIS) ఫీచర్ ఉన్న 64 మెగాపిక్సెల్ ప్రైమరీ కెమెరా, 8 మెగాపిక్సెల్ అల్ట్రా వైడ్, 2 మెగాపిక్సెల్ మాక్రో కెమెరా ఉన్నాయి. సెల్ఫీలు, వీడియో కాల్స్ కోసం 20 మెగాపిక్సెల్ ఫ్రంట్ కెమెరాతో పోకో ఎఫ్4 5జీ వస్తోంది.

Poco F4 5G కనెక్టివిటీ : 5జీ, 4జీ ఎల్‌టీఈ, డ్యుయల్ బ్యాండ్ వైఫై, బ్లూటూత్ 5.2, జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్ట్ కనెక్టివిటీ ఫీచర్లుగా ఉన్నాయి. డాల్బీ అట్మోస్, హై-రెజ్ ఆడియో సపోర్ట్ ఉండే డ్యుయల్ స్టీరియో స్పీకర్లను ఈ మొబైల్‌ కలిగి ఉంది.

Poco F4 5G బ్యాటరీ : ఈ మొబైల్‌లో 4,500mAh బ్యాటరీ ఉంటుంది. 67వాట్ల ఫాస్ట్ చార్జింగ్‌కు సపోర్ట్ చేస్తుంది. మొత్తంగా ఈ ఫోన్‌ 195 గ్రాముల బరువు ఉంటుంది.

మొత్తంగా చూస్తే గతంలో చైనాలో లాంచ్ అయిన రెడ్‌మీ కే40ఎస్‌కు రీబ్రాండెడ్ వెర్షన్‌గా ఇండియాతో పాటు గ్లోబల్‌గా పోకో ఎఫ్4 5జీ లాంచ్ అయింది.

About the Author

Leave a Reply

*