Logo

డైరెక్టర్ తిట్టాడని ఫస్టు మూవీ వదులుకున్నాడట!

ఎలాంటి సినిమా నేపథ్యం లేకుండా ఇండస్ట్రీకి రావడం .. హీరోగా నిలదొక్కుకోవడం అంత తేలికైన విషయమేం కాదు. అలాంటి  బలమైన సినిమా నేపథ్యం లేకుండా ఇండస్ట్రీలో ఎదిగిన వాళ్లని వ్రేళ్లమీద లెక్కపెట్టొచ్చు.

అంత తక్కువ మందిలో తమకి చోటు దొరుకుంతుందో లేదో అనే సందేహాన్ని పక్కన పెట్టేసి పట్టుదలతో తమవంతు కృషి చేసిన కొంతమంది కథానాయకులలో కిరణ్ అబ్బవరం ఒకరుగా కనిపిస్తాడు. ఆయన తాజా చిత్రంగా ప్రేక్షకుల ముందుకు రావడానికి ‘సమ్మతమే’ సిద్ధమవుతోంది. ఈ నెల 24వ తేదీన ఈ సినిమా విడుదలవుతోంది.

తాజాగా ‘ఆలీతో సరదాగా’ కార్యక్రమంలో పాల్గొన్న కిరణ్ అబ్బవరం మాట్లాడుతూ .. ” మాది కడప జిల్లా రాయచోటి. నేను కాలేజ్ లో చదువుకునే రోజుల్లో ‘నీకు జాబ్ రాదు .. బస్టాండులో బఠాణీలు అమ్ముకోవలసిందే’ నేయి లెక్చరర్స్ అనేవారు. దాంతో ఇక నాకు జాబ్ రాదనే అనుకునేవాడిని. కానీ లక్కీగా మా క్లాస్ లో అందరికంటే ముందుగా నాకే జాబ్ వచ్చింది. ఈ విషయాన్ని మా లెక్చరర్స్ మాత్రమే కాదు .. నేను .. మా ఇంట్లో వాళ్లు కూడా నమ్మలేకపోయారు. జాబ్ చేస్తున్నాను .. నెలకి 70వేలు వస్తున్నాయి .. లైఫ్ గడిచిపోతోంది.

మొదటి నుంచి కూడా నాకు సినిమాల పిచ్చి ఎక్కువగా ఉండేది. అందువలన జాబ్ పై దృష్టి ఉండేది కాదు. సినిమాలతో పాటు ఇంటర్వ్యూలు ఎక్కువగా చూసేవాడిని. ఎవరు ఎంతలా కష్టపడ్డారు  .. ఎవరికి ఎంత కాలానికి బ్రేక్ వచ్చింది అనేది చూసేవాడిని. 20 ఏళ్ల నుంచి 30 ఏళ్ల వరకూ కష్టపడితేనే కలలు నిజమవుతాయనే విషయం నాలో బలంగా  నాటుకుపోయింది. అప్పుడు నేను సినిమాలు చేయాలని నిర్ణయించుకున్నాను ..  ఆ ఉద్దేశంతోనే షార్ట్ ఫిలిమ్స్ లో చేయడం మొదలుపెట్టాను. షార్ట్ ఫిలిమ్స్ లో నాకు మంచి గుర్తింపు వచ్చింది.

అప్పుడు ఇక నేను హీరోగా ట్రై చేయవచ్చునని అనుకున్నాను. ఓ ఐదేళ్ల పాటు కష్టాలు పడటానికి సిద్ధమై ఇండస్ట్రీకి వచ్చాను. ఒక సినిమాలో హీరోగా ఛాన్స్ వచ్చింది. ఆ సినిమాలో సాయికుమార్ గారు కీలకమైన పాత్రను చేశారు.

ఆ సెట్   వాతావరణం ఎందుకో నాకు నచ్చలేదు. తనకి సంబంధించిన వర్క్ సరిగ్గా లేకపోతే ఆ డైరెక్టర్ నన్ను తిట్టడం మొదలుపెట్టాడు. మోడీ రోజులు ఓపిక పట్టాను .. ఇక మన వల్ల కాదని చెప్పేసి నేను ఆ సినిమాను వదులుకున్నాను. ఆ తరువాత ఇలాంటి సంఘటనలు ఎదురైనా ఓపికతో ఉండాలనే విషయం నాకు అర్థమైంది” అంటూ చెప్పుకొచ్చాడు.

About the Author

Leave a Reply

*